Тошкентда иккита тўқимачилик кўргазмаси очилди

© Sputnik / Сергей ГунеевЎзбек матолари
Ўзбек матолари - Sputnik Ўзбекистон
Oбуна бўлиш
Textile Expo Uzbekistan 2016 кўргазмасида Ўзбекистон ва дунё корхоналари маҳсулотлари намойиш қилинган бўлса, CAITMEда тўқимачилик ускуналарининг энг сўнгги намуналари билан танишиш мумкин.

ТОШКЕНТ, 7 сен — Sputnik. “Ўзэкспомарказ”да 7-9 сентябр кунлари Ўзбекистонда тўқимачилик соҳасига алоқадор Textile Expo ва CAITME кўргазмалари бўлиб ўтади, деб хабар қилмоқда Экспомарказ.

Textile Expo Uzbekistan 2016 – Марказий Осиё ихтисослашган тўқимачилик ва мода кўргазмаси бўлиб, у халқаро корхоналар иштирокида бўлиб ўтаётган Ўзбекистондаги ягона кўргазмадир.

Кўргазма доирасида улгуржи харидорлар учун махсус дастур ташкил қилинган. Унга кўра чет эллик корхоналар Ўзбекистон бозорига кириши ҳамда маҳаллий корхоналар эса, мамлакат ичида туриб, экспорт ҳажмини ошириш имконига эга.

CAITME – X Ўрта Осиё Халқаро Тўқимачилик Ускуналари ва Технологиялари кўргазмаси бўлиб, Ўрта Осиё ва МДҲ енгил саноати учун ишлаб чиқарилган энг замонавий ускуналар ва технологиялар намойиш қилинган.  

Янгиликлар лентаси
0