ТОШКЕНТ, 2 сен — Sputnik. Шанба куни эрталаб пойтахт аҳли Ислом Каримовни сўнгги манзилга кузатишлари мумкин.
Ўзбекистоннинг биринчи Президенти билан видолашув маросими 3 сентябр куни Самарқанд шаҳрида ўтказилади.
Бу ҳақда РИА Новости нашрига Тошкент ҳокимлиги вакили хабар қилган.
"Нохуш хабар ҳақида ҳаммага маълум қилдик. Президент танаси солинган тобут кортежи Тошкент вақти билан 6.00да аэропорт томон йўл олади. Ўзбекистон аҳли ўзининг Биринчи президентини сўнгги манзилга кузатишлари мумкин", — деб хабар қилди агентликка манба.
