ТОШКЕНТ, 24 авг — Sputnik. Ўзбекистонлик Олимпиада қатнашчилари Рио-де-Жанейродан уйга қайтишди. Тошкент кўчаларига кўплаб одамлар спортчиларни кутиб олишга чиқишди, деб хабар қилмоқда “Водители Ташкента” гуруҳи.
Риодан Ўзбекистон Ҳаво йўлларининг махсус рейси билан учиб келган самолёт Тошкент аэропортига соат 20:20 да қўнди. Аэрпортда спортчиларни Ўзбекистон бош вазири Шавкат Мирзиёев ва Сенат раиси Нигматилла Йўлдошевлар кутиб олишди.
Спортчиларни шаҳар кўчалари бўйлиб махсус таёрланган икки қаватли автобусларда олиб ўтишлари ҳам олдиндан эълон қилинган эди. Кун давомида барча ижтимоий тармоқларда фуқаролар спортчиларни кутиб олишга бир-бирларини таклиф қилишди. Кечқурун минглаб пойтахт аҳолиси спортчиларни кутиб олиш учун шаҳар кўчаларига чиқишди. Спортчилар автобуси кўчалар бўйлаб ўтаркан, бача уларни “Биз сиз билан фахрланамиз”, “Ўзбекистон” дея бақириб, олқишлашди.
Автобус сўнгги бекати Милий Олимпия қўмитаси биноси олдида спортчилар шарафига гулдирос қарсаклар чалинди.
Ўзбекистон президенти Ислом Каримов сешанба куни барча Олимпиада ғолибларини тақдирлаш ҳақида қарор чиқарди. Спортчиларга тақдим этиладиган мукофотлар умумий қиймати — 1,525 млн доллоарни ташкил қилди. Қарорда айтилишига қараганда Олимпиадада олтин медал олган спортчилар 200 минг доллар, кумуш медал олган спортчилар 100 минг доллар ва бронза медал олган спортчилар 75 минг доллардан мукофот олиши қайд қилинган.
Эслатиб ўтамиз, Бразилияда бўлиб ўтган XXXI ёзги Олимпиада ўйинларида Ўзбекистон олимпия жамоаси 4 олтин, 2 кумуш ва 7 бронза медали билан мамлакатлар орасида 21 ўринни эгаллади. Ўзбекистон боксчилари эса – дунёда энг кучли жамоа номини олди.
