ТОШКЕНТ, 22 авг — Sputnik. Олимпиаданинг сўнги кунида ўзбекистонлик эркин курашчи Ихтиёр Наврўзов (65 кг) монголиялик Махдангаран Газонриг билан беллашди.
Монгол спортчиси мусобақанинг деярли охиригача ғолибликни қўлдан бермади ва 7:6 ҳисобида олдинда бораётган эди. Бироқ курашнинг сўнгги сонияларида монголиялик спортчи белгиланган чизиқдан чиқиб кетгани оқибатида ҳақамлар бронза медални Ихтиёр Наврўзовга беришга қарор қилди.
Монгольские тренеры раздеваются в знак протеста против судейского решения, присудившего поражение их борцу. pic.twitter.com/JwfFGirm0b
— Evgeny Slyusarenko (@EvgSlyusarenko) August 21, 2016
Ҳакамларнинг бундай қароридан норози бўлган монгол тренерлари норозиликларини ифодалаш мақсадида кийимларини ечиб, яланғоч ҳолда кураш гилами олдида турдилар. Олимпиада хавфсизлик хизмати монгол тренерларини майдондан олиб чиқиб кетишга мажбур бўлди.
