ТОШКЕНТ, 17 авг — Sputnik. Пойтахтнинг Миробод тумани ҳокими Шарофиддин Қодиров матбуот анжуманида ҳуқуқлари бузилаётган академик Галина Пугаченкованинг қариндошларига шахсан эътибор ва ёрдам беришга ваъда берди, деб ёзади "Новости Узбекистана" нашри.
Эслатиб ўтамиз, пойтахтнинг Миробод туманида акадеимк Пугаченкованинг уйига тиркалиб бир неча қаватли уй қурилмоқда. Аслида, янги уй эски уйнинг бир қисми бўлиб, қўшнилиарнинг розилигисиз унинг иккинчи қисмини ўзгартириш қонун томонидан таъқиқланган.
Археолог-олимнинг ўғли Ростислав Сосновский ва унинг турмуш ўртоғи Елена Культиасова янги уй қурилишига ҳеч қандай рухсатнома бермаган. Ундан ташқари, уларнинг бир қаватли уйи, унинг ёнида қурилаётган бир неча қаватли уй оғирлигидан зарар кўрмоқда. Уйда яшайдиганлар турли муаассасаларга мурожаат қилишганига қарамасдан, натижа бўлмаган.
Янги уй эгаси, Ҳиндистон фуқароси жаноб Сингх учун ҳеч қандай рухсатнома керак эмасга ўхшайди, деб ёзади нашр. У ҳеч нимани писанд қилмасдан ўз мақсадга ҳаракат қилмоқда. Аллақандай йўллар бирлан қуришга рухсатнома олишга ҳам муваффақ бўлган, дейилган хабарда.
Эслатиб ўтамиз, ушбу кичик уйда археолог олим Г.А. Пугаченкованинг Ўзбекистон тарихига бағишланган 300 томлик асарлар архиви сақланмоқда.
Археолог-олим қариндошлари, ушбу можарога туман ҳокими, ваниҳоят, нуқта қўйишидан катта умид қилишмоқда.
