ТОШКЕНТ, 18 июл — Sputnik. "Ислом давлати" террорчилик уюшмаси жангарилари Ироқнинг ғарбий шаҳарларидан бири бўлмиш Ал-Қаймда 20 минг оилани "жонли девор" сифатида ушлаб турибди. Террорчилар Ироқ армияси ҳужумидан ўзини шу тарзда ҳимоя қилмоқда, деб хабар қилган Al Mada агентлигига маҳаллий йиғин раиси. РИА Новости хабарига кўра.
"Ислом давлати" чегарага яқин шаҳар ичида 20 минг оилани қамалда ушлаб турибди, жангарилар улардан "жонли девор" сифатида фойдаланмоқда", — деб хабар қилган Нозим Бардан исмли амалдор.
Унинг сўзларига кўра, террорчилар одамларга шаҳарни тарк этишни қатъий таъқиқлаган, қочишга ҳаракат қилганларнинг кўпи отиб ўлдирилган.
"Ал-Қайм ҳукумати марказий раҳбариятдан шаҳарни тезроқ тозалаб, бегуноҳ фуқароларни эвакуация қилишни илтимос қилган", — деб қўшимча қилди бардан.
Эслатиб ўтамиз, икки йилдирки, Ал-Қаймни террорчилар назорат қилиб келмоқда.
