ТОШКЕНТ, 1 июл — Sputnik. Ёзги мавсумда йўловчилар оқими сезиларли даражада камайгани муносабати билан, Тошкент метрополитени маъмурияти поездлардаги вагонлар сонини тўрттадан учтагача камайтириш тўғрисида қарор қабул қилдилар, деб хабар бермоқда Nuz.uz.
Ер ости транспорти раҳбарияти изоҳига кўра, бу чора-тадбирлар электрэнергияси манбаини тежаш мақсадида амалга оширилган. Учта вагонли поездлар фақат ёз ойларида ҳаракатланиши, куз мавсумига келиб, йўловчилар оқими яна ортганда, вагонлар сони яна тўрттага қайтарилиши хабар қилинмоқда.
