ТОШКЕНТ, 21 июн – Sputnik. Қирғизистоннинг Оқсой туманида, яшин уриши натижасида, 145тага яқин жонивор ҳалок бўлди, деб хабар берди сешанба куни Қирғизистон ФВВ матбуот-хизмати. РИА Новости хабари асосида.
Қирғизистон ФВВ туман бўлинмаси раҳбари баёнотига кўра, табиий офат 600та қўйдан иборат пода тоғдаги яйловга олиб ўтилаётган вақтда юз берган.
"Пода Суук-Добо яйловида вақтида чақмоқ чақиши бошланган ва подани яшин урган”, — дея хабар қилди ФВВ вакили.
Муассаса хабарига кўра, жониворлар табиий офат юз берган вақтда жарлик ёқасида жойлашган йўлакдан бораётган бўлган. Қўйларнинг бир қисми воқеа жойида жон берган, юзга яқини эса атрофга тарқалиб кетиб, шу яқин атрофдаги жарликка қулаган.
Яшин урган қўйларнинг жонсиз таналари эгаларига топширилгани маълум қилинмоқда.
