Германия Арманлар геноцидини тан олди, бундан Туркия ғазабга келди

© Sputnik / Савельев Виталий / Медиабанкка ўтишБундестаг биноси
Бундестаг биноси - Sputnik Ўзбекистон
Oбуна бўлиш
Усмонийлар имепериясига қарашли ҳудудларда 1915 – 1923 йиллар давомида турли усуллар билан 1,5 миллион арман, асирия ва грек миллатига мансуб одамлар ўлдириш, мажбурий очлик, ўта қийин шароитда узоқ масофаларга кўчишга мажбур қилиш оқибатида йўқ қилиб юборилган.

ТОШКЕНТ, 3 июн — Sputnik. Германия парламенти – Бундестаг, кеча Усмонийлар империяси томонидан арман миллатига қарши олиб борган қирғинини (геноцид) тан олди. Бундан Туркия ғазабга тушиб, Туркиянинг Германиядаги элчисини вақтинча Анқарага чақириб олди.

Эслатиб ўтамиз, Усмонийлар имепериясига қарашли ҳудудларда 1915 – 1923 йиллар давомида турли усуллар билан 1,5 миллион арман, асирия ва грек миллатига мансуб одамлар ўлдириш, мажбурий очлик, ўта қийин шароитда узоқ масофаларга кўчишга мажбур қилиш оқибатида йўқ қилиб юборилган. Тарихчилар томонидан ушбу оммавий қирғин 20 асрнинг биринчи геноциди деб тан олинган 

Иккинчи жаҳон урушида нацистлар томонидан яҳудийларни йўқ қилишга қаратилган қирғин – 20 асрнинг иккинчи геноциди ҳисобланади. Унда 6 миллион яҳудийлар ўлдириб юборилган.  

Арманлар қирғини дунёнинг 20 дан ортиқ мамалкатлари томонидан – геноцид, яъни инсониятга қарши қаратилган энг оғир жиноят, деб тан олинган. Ушбу мамалакатлар орасида Россия, Франция, Италия, Австрия, Бразилия, Швеция, Польша, Аргентина ва бошқалар бор.

Ўша вақтларда Усмойнийлар империясининг яқин иттифоқчиси бўлган Австрия ва Германия бугунги кунга келиб арманлар геноцидини тан олди, ва қурбонлар хотирасини абадий ёдда тутишга қарор қилди. Усмонийлар империясининг тўғридан-тўғри меъросхўри бўлган Туркия эса, ҳалигача  ушбу тарихий омилни инкор қилиб келмоқда.  

Арманистон ҳукумати Бундестагнинг ушбу қадамини хуш кутиб олди, ва бу келажакда инсониятга қарши қаратилган даҳшатли жиноятларни олдини олишга катта ҳисса қўшишини таъкидлади.  

Сайлов олдидан Германия парламенти депутатларининг кўпчиллигига, биринчи навбатда келиб чиқиши Туркиядан бўлган депутатларга, телефон орқали аноним пўписалар келиб туша бошлаган. Баъзиларни ҳатто ўлдилиш билан ҳам қўрқитишган.

Лекин депутатлар “биз ўзимизни қўрқитишга йўл қўймаймиз”, деб жавоб беришди ва арманлар геноцидини бир овоздан тан олишди. Овоз бериш натижаларига кўра фақатгина бир депутат “қарши” жавобини берган ва яна бир киши бетараф қолган.

Туркия бунга нисбатан, кутилганидек, ўта салбий мунособатда бўлди. Мамлакат Ташқи ишлар вазири Мевлюд Чавушоглу бунга “тарихни қоралаш” деб баҳо берди. Туркия президенти Тоййип Эрдўғон бўлса “Бу келажакдаги Туркия-Германия мунособатларида албатта ўз аксини топади”, — деди. Ундан ташқари, Туркия ўзининг Германиядаги элчисини вақтинча Анқарага чақириб олди.

Туркия Қурдлар партияси вакили Камкиннинг сўзларига қараганда, Бундестагнинг ушбу қадами, келажакда Туркиянинг Европа Иттифоқига қўшилишига катта тўсиқ бўлиши мумкин.

Россия Ташқи Ишлар вазирлигида Бундестагнинг ушбу қарорига изоҳ бериб, “Бирор қарор қабул қилиш ёки қилмаслик бу Германиянинг ички иши. Ушбу қадам билан Германия ҳам ушбу масалада Россия нуқтаи назарига яқинлашди”, – деди Россия ТИВ расмий вакили Мария Захарова.

© PAN Photo / Медиабанкка ўтишДень памяти жертв геноцида в Армении
День памяти жертв геноцида в Армении - Sputnik Ўзбекистон
День памяти жертв геноцида в Армении
Янгиликлар лентаси
0