ТОШКЕНТ, 16 май – Sputnik. Ўзбекистонга учувчисиз қурилмаларни олиб киришга рухсат берилди, деб хабар қилмоқда kun.uz.
Вазирлар Маҳкамасининг 2016 йил 12 майида қабул қилган 150-қарор билан Вазирлар Маҳкамасининг 2014 йил 26 ноябрдаги «Ўзбекистон Республикаси ҳаво ҳудудида учувчисиз учиш қурилмаларидан рухсатсиз фойдаланишнинг олдини олиш чоралари тўғрисида»ги 322-қарорига аниқлик киритилган.
322-қарорга кўра, 2015 йил 1 январдан эътиборан Ўзбекистон ҳудудига учувчисиз учиш қурилмалари олиб кириш, реализация қилиш ва фойдаланиш ман этилганди.
Аниқлик киритилишича, "Вазирлар Маҳкамаси алоҳида ҳолларда, зарурат туғилган тақдирда қурилмаларни олиб кириш, реализация қилиш ва фойдаланишга рухсат бериши" кўзда тутилган.
