ТОШКЕНТ, 29 апр — Sputnik. Сурия армияси террорчилик устидан тез орада ғалаб қозониши мумкин, бунинг учун Туркия билан чегара ёпилиши лозим, деб таъкидлади РИА Новости ахборот агентлигига САРнинг Россиядаги элчиси Риёд Ҳаддод.
"Табиийки, Сурия тез орада террорчилик устидан ғалаба қозона олади, аммо, бунинг учун Туркия билан чегара ёпилиши керак. Сабаби, террорчиларнинг деярли барчаси Сурияга Туркия орқали кириб келмоқда”, — деб таъкидлади Ҳаддод жума куни.
Сурия элчисининг сўзларига қараганда, Сурияда ҳукумат розилигисиз фаолият олиб бораётган "АҚШ бошчилигидаги коалиция “Ислом давлати”га қарши кураш учун эмас, балки уни қўллаб-қувватлаш мақсадида ташкил қилинган”.
"Шу боис, террорчилик устидан ғалаба қозонмоқчи эканмиз, Россия ташаббусини қўллаб-қувватлашимиз лозим. Чунки айнан Россия террорчиликка қарши курашиш учун бутун дунё ҳамжамиятини бирдамликка чорламоқда ва бунда қатъий турмоқда. Барча мамлакатлар бу ташаббусни қўллаб-қувватлашлари керак”, — деб қўшимча қилди Ҳаддод.
