ТОШКЕНТ, 27 апр — Sputnik. Бўлиб ўтган V Москва халқаро хавфсизлик анжуманида Россия Мудофаа вазири Сергей Шойгу вазирликнинг халқаро фаолиятида МДҲ доирасида ҳамкорликни ривожлантириш сўзсиз устувор йўналиш деди.
“МДҲ давлатлари, КХШТ мамалкатлари, иттифоқдош Белоруссия билан ҳарбий ҳамкорликни ривожлантириш – Россия Мудофаа вазирлигининг халқаро фаолиятида — сўзсиз устурвор йўналишидир”, — деди Сергей Шойгу бугун бўлиб ўтган V Москва халқаро хавфсизлик анжуманида.
Шу билан бирга, Сергей Шойгу Тожикистон ва Қирғизистондаги Россия ҳарбий базаларини ҳудуднинг хавфсизлик кафолати деб атади.
“Россиянинг Тожикистон ва Қирғизистондаги ҳарбий базалари — ҳудудда хавфсизлик кафолати эканлигига менинг ишончим комил. Биз, иттифоқдошларимиз билан биргаликда, уларнинг жанговор таёргарлигини оширмоқдамиз. Бу эса ўз навбатида Душанбе ва Бишкекнинг хавфсизлигини оширади”, — деди министр.
Унинг сўзларига қараганда Шанхай ҳамкорлиги ташкилоти доирасида ҳарбий ҳамкорликни кучайтириш ҳам барча тарафларнинг манфаати учун хизмат қилган бўларди.
