ТОШКЕНТ, 29 мар — Sputnik. Кипр президенти Никос Анастасиадис Мисрга қарашли А320 самолётнинг қўлга олиниши теракт эмас, дея баёнот берди.
"Ҳамишагидек бу ишда аёл аралашган", — деб жавоб қилди президент Европарламент раиси Мартин Шульц томонидан ташкиллаштирилган матбуот-анжуманида журналистлар томонидан берилган саволга.
Шульц ҳозирда Кипрдалиги хабар қилинмоқда. Матбуот-анжуманидан тўридан-тўғри трансляция Кипрнинг RIK телеканали томонидан намойиш этилган.
Бундан сал олдин олинган хабарларда, босқинчи самолёт экипажи ҳамда йўловчиларга портловчи қурилма билан таҳдид қилиб, маршрут йўналиши ўзгартирилишини талаб қилган. Александрия-Қоҳира рейси бўйича учишни амалга ошираётган лайнер Кипрнинг Ларнаки аэропортида мажбурий қўнишни амалга оширган. Шундан сўнг, босқинчи 50 нафар йўловчиларни озод қилиб, учувчи орқали Кипр ҳукумати билан музокара қилишга тушган.
Анастасиадиснинг сўзларига қараганда, самолёт бортида қолган асир олинганларни озод қилиш учун барча чора-тадбирлар кўрилмоқда.
