ТОШКЕНТ, 25 мар – Sputnik. Ироқнинг Боғдод шаҳри жанубида, футбол ўйини бўлиб ўтаётган стадионда, портлаш содир бўлди, РИА новости хабарига асосан.
Хабарларга кўра, худкуш-террорчи ўзини портлатиб юборган. Портлаш ўйин ғолибларига соврин топшириш вақти, одам тўпланиб турган жойда содир бўлган. Дастлабки хабарларга кўра 26 – 30 киши қурбон бўлган, 70 киши жароҳатланган.
Ушбу террорчилик учун жавобгарликни “Ислом давлати” террорчилик гуруҳи ўз зиммасига олган. Интернетда ушбу портлаш чоғида суратга олинган видеолавҳа пайдо бўлди.
