Тергов Қўмитасидан олинган хабарларга кўра, лайнер Ерга қўнган вақтда портлаган.
Бундан сал олдин маҳаллий фавқулодда ҳолат хизматидан олинган маълумотларга кўра, Boeing орқа қисми билан ерга урилган.Ростов-на-Дону МЧС хизмати эса, қўниш вақтида самолет қанотлари учиш-қўниш чизиғига теканлиги ва сал ўтмай лайнер ёна бошлаган, дея маълумот бермоқда.
Фавқулодда хизмат ходимлари лайнер парчаларини текширмоқда
Тезкор гуруҳ ходимлари фожеа юз берган жойга зудлик билан етиб келдилар
Дубайдан қайтиб келаётган Fly Dubai авиакомпаниясига қарашли лайнер, Ростов-Дон аэропорти қўниш чизиғидан чапроқда, Москва вақти билан 3:40да ҳалокатга учради.
самолёт бортида жами 62 киши: 55 йўловчи, шу жумладан, 4 нафар бола ва 7та экипаж аъзолари бўлган. Россия Президенти ладимир Путин авиаҳалокат қурбонига айланган инсонлар оиласига чуқур ҳамдардлик билдирди ҳамда Ростов вилояти губернаторига ҳалок бўлган йўловчилар қариндошлари учун барча зарур шароитларни яратиб бериш ҳақида топшириқ берди. Аэропортда ҳалок бўлган йўловчиларнинг 600дан ортиқ қариндошлари тўпланишган.
Лайнер қўнишга уриниб, 2,5 соат мобайнида аэропорт устида учган. Шундан сўнг, қўниш чизиғига орқа қисми билан урилиб, сал ўтмай ёна бошлаган ва портлаган.
Лайнер бортидаги йўловчиларнинг ҳаммаси ҳалок бўлган. Ҳалок бўлганларнинг қариндошлари Ростовдаги аэропортга тўпланишмоқда.
Портлаш натижасида, Boeing-737-800 қўниш майдони бўйлаб чилпарчин бўлган
Қўниш олдидан лайнер икки соатдан зиёд вақт аэропорт устида айланди, деб хабар бермоқда, Flight radar портали.
Авиаҳалокатга ноқулай об-ҳаво шароитлари сабаб бўлган бўлиши мумкин, деб тахмин қилинмоқда. Ростов вилояти губернатори Василий Голубев ҳам авиаҳалокатга ёмон об-ҳаво сабаб бўлган, бошқа тахминлар мавжуд эмас, деб таъкидламоқда.
Маҳаллий МЧС хизмати ҳалок бўлганлар рўйхатини эълон қилди, уларнинг аксарияти Россия фуқаролари бўлган, шунингдек, вафот этганлар орасида беш нафар чет эл фуқаролари ҳам мавжуд. Лайнер экипажи эса турли давлат фуқароларидан иборат бўлган. Ҳалок бўлганларнинг яқинларига ҳар томонлама ёрдам кўрсатилмоқда.
Ҳозирда авиаҳалокат юз берган жойда қутқарувчилар бригадаси иш олиб бормоқда, шунингдек, Россия Тергов Қўмитасига қарашли тергов-криминалистика гуруҳи фаолияти ҳам кучайтирилган. Ушбу ҳодиса юзасидан жиноят иши қўзғатилган.
