Mars 55 мамлакатда ўз шоколадли конфетларини савдодан қайтариб олмоқда

© JOHN THYS / AFPMars ва Snikers шоколадли батончиклар
Mars ва Snikers шоколадли батончиклар - Sputnik Ўзбекистон
Oбуна бўлиш
Mars ва Snickers шоколадли батончиклари ичига тушиб қолган пластик бўлаклари туфайли, Mars компанияси уларни савдодан қайтариб олмоқда.

ТОШКЕНТ, 24 – Sputnik. Американинг Mars Chocolate компанияси дунёнинг 55 мамалакатида ўз шоколадли конфетларини савдодан қайтариб олмоқда, РИА Новости хабарига асосан.

Европа Иттифоқи, Буюк Британия ва бошқа мамлакатлар савдо дўконларидан Mars, Snickers, Milky Way, Mini Mix ва  Celebrations конфетлари қайтариб олинмоқда.

Назорат органлари фикрига кўра, ичида пластик бўлаклари бор бўлган конфетлар истеъмол қилинганда, одамнинг нафас йўлини беркитиб қўйиши мумкин. Пластик бўлаклари билан “бойитилган” шоколадли батончиклар 2016 йил бошида Марснинг Нидерланд мамлакатларидаги заводида ишлаб чиқарилган.

Россияда ушбу шоколадли маҳсулотлар савдодан қайтариб олинмайди, деб эълон қилди Марс компанияси вакили. Россия ва МДҲ  мамлакатлари учун Марс компанияси маҳсулоти Ступино ва Уляновск шаҳарларида ишлаб чиқарилади.

“Батончиклар ишлаб чиқариш локализация қилинган, шунинг учун ҳеч қандай хавф йўқ”, — деди “Марс шоколад” компанияси вакили Елизавета Александрова.

Штаб квартираси АҚШнинг Маунт-Олив шаҳарчасида жойлашган Mars Chocolate компанияси дунёда энг йирик компаниялардан бири. Ушбу компания сиз яхши билган Snickers, Mars, Bounty, Milky Way, M&Ms, Twix ва Dove дан ташқари Pedigree, Chappi, Whiskas, Kitekat, Sheba, Royal Canin ва бошқа маҳсулотлар ҳам ишлаб чиқаради.

Янгиликлар лентаси
0