ТОШКЕНТ, 17 фев — Sputnik. Япониянинг Uniqlo компанияси дизайнер Хана Тадзима билан биргаликда ҳижоб ва кундалик кийимлар коллекциясини ишлаб чиқарди, Vogue хабари асосида.
Биринчи ўринда мусулмон аёллари учун мўлжалланган ушубу кийимлар АҚШ ва Буюк Британияда сотувга чиқарилади.
Uniqlo дунёда ўзининг юқори сифатли ва нархи унча балан бўлмаган кийимлари билан обрў қозонган. Uniqlo янги хусусиятларга эга бўлган материаллар ва кийим-кечак соҳасида ноу-хау яратиш билан ҳам машҳур.
2016 йил баҳор-ёзига мўлжалланган кийимлар коллекциясига Ҳижоб, Кебайи (енги узун ва ёқаси ёпиқ блузкалар) узун юбкалар, водолазкалар, текис ва кенг шимлар, енги узун ва ёқаси ёпиқ кўйлаклар, туникалар, жинси шимлар ва курткалар киради.
Коллекцияда камтарона қора, оқ, сарғиш, кулранг ва кўк ранглар қаторида ёрқин сариқ, пушти, яшил ва ҳаворанг кийимлар ҳам бор.
Ушбу коллекция Ханна Тадзиманинг шахсий дидига асосланиб яратилган. Либослар аллақачон Жанубий Шарқий Осиё мамлакатларида катта шуҳрат қозонди.
