ТОШКЕНТ, 13 фев — Sputnik. Токи Сурия президенти Башар Асад ҳукуматни бошқаришда давом этар экан, Суриядаги урушни тўхтатишнинг иложи бўлмайди, деб ҳисоблайди АҚШ давлат котиби Жон Керри.
13 Феврал 2016, 16:39
“Жуда кўплаб одамлар Асад Сурия ҳукумати тепасида қолса, тинчликка эришиб бўлмаслиги ҳақида гапирмоқда. Уруш барҳам топиши учун у президентликдан кетиши керак, акс ҳолда биз тинчлик ўрната олмаймиз” — деди Керри, Мюнхенда бўлиб ўтган хавфсизлик бўйича анжуманда нутқ сўзлар экан.
Эслатиб ўтамиз, жорий йил 12-14 феврал кунлари Мюнхенда хавфсизлик бўйича анъанавий анжуман ўтказилмоқда. Бу йил анжуман иштирокчилари ўртасида Суриядаги уруш ва миграцияга оид инқироз масалалари муҳокама қилинмоқда.
