ТОШКЕНТ, 3 фев — Sputnik. Сомалида Daallo Airlines компаниясига тегишли йўловчи самолёт бортида портлаш юз берди, ҳодиса натижасида 2 киши жароҳатланди, РИА Новости CNN хабари асосида.
Африканинг Сомали давлати пойтахти Могадишо аэропортидан парвозга кўтарилган А321 авиалайнер бортида юз берган портлашдан кейин шошилинч равишда аэропортга қайтишга мажбур бўлди.
Унча кучли бўлмаган портлаш, самолёт ердан 4 км баландликка кўтарилганидан кейин содир бўлган. Портлаш оқибатида самолёт чап ёнида тешик пайдо бўлганига қарамасдан, учувчилар уни қайтиб аэропортга қўндиришга муваффақ бўлишган. Ҳодиса вақтида самолётда 60 киши бўлган. Бахтли тасодиф туфайли ҳеч ким қурбон бўлмаган.
Воқеа гувоҳлари самолёт фотосуратини tweeter да жойлаштиришган.
Somalie • Explosion à bord d'un Airbus 321 après le décollage à Mogadishu https://t.co/qF4rrVxB9K pic.twitter.com/l6gzdonYaf
— Denis Therriault (@DenisTherriault) 2 февраля 2016
Бироз кейинроқ самлоёт ичида бўлган йўловчилар портлашдан кейинги парвоз видеолавҳасини ютубда жойлаштиришди.
Самолёт қўнганидан кейин мутахассислар унинг ичида портловчи модда қолдиқларини топган. Ушбу теракт ким томонидан қандай мақсадда амалга оширилгани ҳақида ҳозирча маълумот йўқ.
