ТОШКЕНТ, 12 янв — Sputnik. Истамбул марказида содир этилган, 10 кишининг ўлимига сабаб бўлган портлаш Суриялик террорчи томонидан содир этилганлиги маълум бўлди, таъкидлади Туркия Бош вазири Нўмон Қуртулмуш Истамбулдаги ҳодиса юзасидан ўтказилган фавқулодда йиғиндан сўнг Анқарадаги брифинг давомида.
"Портлаш 1988 йилда Сурияда туғилган камикадзе-террорчи томонидан амалга оширилганлиги исботланди. Ҳодиса жойида унинг тана бўлаклари топилди", — деди Қуртулмуш.Бош вазир чиқиши CNN Turk телеканали томонидан трансляция қилинди.
Дарвоқе, портлаш содир этилгандан кўп вақт ўтмай, террактга доир ҳар қандай турдаги маълумот: хабар, интервью, танқид ва шу каби мақоларлар даврий нашрлар, телевидение, радио, интернет нашрлар ва ижтимоий тармоқларда ёритилиши Туркия ҳукумати томонидан таъқиқланди. Ҳукумат қарори эълон қилинган пайтдан бошлаб кучга кирган, бу ҳақда барча турк ОАВлари огоҳлантирилган.
