Дунёнинг энг йирик наркокартели бўлмиш Пакана лақаби билан машҳур Хоакин Гусман Лоэр ўтказилган махсус операция жараёнида қўлга олинди. Жиноятчини қўлга олиш операцияси 8 январ куни Мексиканинг Лос-Мочис шаҳрида ўтказилди. Операция жараёнидан кадрларни эътиборингизга ҳавола қиламиз.
Дунёнинг энг кўп қидирилган жиноятчиларидан бири Хоакин Гусман Лоэр, оддий қилиб айтганда, Паканани қўлга олиш операцияси 8 январ куни Мексиканинг Лос-Мочис шаҳрида ўтказилди. Операция давомида отишма рўй берди, хабар қилади Ассошиэйтед Пресс агентлиги мексикалик расмий шахслардан олинган манбага асосланган ҳолда. Паканани қўлга олиш операциясида денгиз пиёда аскарлари иштирок этган.
Мексика Ҳарбий-денгиз кучлари томонидан тушган аризага мувофиқ денгиз пиёда аскарлари Пакана вақтинча бошпана топган бинога тонг саҳар ҳужум қилдилар. Уйдаги жиноятчилар аскарларга қарата ўт очишгани маълум. Операция давомида бешта гумондор ўлдирилди, яна олтита жиноятчи қўлга олинди, денгиз пиёда аскарларидан биттасигина енгил жароҳат олди, дея таъкидлайди агентлик.
Дунёнинг энг узоқ қидирилган жиноятчиси, наркобарон Хоакин Гусман Лоэр олти ой муқаддам Россияда ишлаб чиқарилган вертолётда "Алтиплано" қамоқхонасига олиб борилган эди.
Пакана ҳуқуқни муҳофаза қилиш ходимлари томонидан учинчи бор қўлга олинмоқда. Илк бор у Гватемалада 1993 йилда қўлга олинган бўлиб, Мексика ҳукуматига топширилган эди. 2001 йил у ўзининг АҚШга топширилаётганидан хабар топгач, қамоқдан қочади. 13 йил давомида қочқин сифатида ҳаёт кечирганидан сўнг, 2014 йилнинг февралида яна қўлга тушади. 2015 йилнинг июлида Пакана яна қамоқдан қочган ва олти ойдан бери озодликда “нафас ростлаётган” эди.
