ТОШКЕНТ, 2 янв, Sputnik. Тиш-тирноғигача қуролланган, бир гуруҳ жангарилар Покистон чегарасига яқин жойда жойлашган Ҳиндистон авиабазсига ҳужум уюштиришди, РИА Новости маҳаллий ОАВ хабарларига асосан.
Панжоб штатининг Патханкот шаҳрида жойлашган авиабазага АК-47 автоматлари билан қуролланган, Тўрт кишидан иборат террорчи гуруҳ тонг соат 03:30 да ҳужум уюштиришди.
"Джаиш-е-Мухаммад" гуруҳига кирувчи жангарилар авиабаза ҳудудига полиция бошлиғининг автомобилда кириб келишган.
Охирги хабарларга кўра, 4 жангаридан иборат террорчи гуруҳ йўқ қилинган. Авиабазани ҳимоя қилган аскарлардан 2 киши қурбон бўлган ва 5 киши жароҳатланган.
Полиция хабарига кўра, жума куни эрталаб террорчилар полиция бошлиғини ва унинг автомобилини ўғирлаб кетишган. Оғир жароҳат олишига қарамасдан, зобит тирик қолган ва гувоҳлик бермоқда.
Ҳозирги вақтга келиб жанговор ҳаракатлар якунланган, лекин авиабаза ҳудуди ҳали тозаланмаган.
Базада жойлаштирилган самолёт ва вертолетларга зарар еткизилмаган.
