Esquire журнали дунёнинг энг гўзал аёллари рўйхатини тузди. Ушбу рўйхатдан 195 нафар соҳибжамол ўрин олди.
Тузиладиган бошқа кўплаб рейтинглардан бу рўйхатнинг муҳим фарқи, унда аёлнинг ташқи кўринишигина эмас(гарчи саралаб олинган аёлларнинг барчаси ўта мафтункор бўлса-да), балки уларнинг жамият ривожига қўшган ҳиссаси ҳам эътиборга олинган.
Рейтингдан спортчилар, актрисалар, сиёсатчилар, давлат арбоблари ва моделлар ўрин олди. Жумладан, рўйхатга Россиядан — Наталья Водянова, Франциядан — Карла Бруни, Барбадосдан – Рианна, Бразилиядан Жизель Бундхен, Канададан — Рэйчел МакАдамс, Исландиядан — Бьорк, Жанубий Африкадан — Шарлиз Терон, Германиядан эса — Диана Крюгерлар киритилган.
Актриса ва модель Наташа Алам бу йил Ўзбекистоннинг энг гўзал ва жозибали аёли сифатида тан олинди. Наташа Тошкентда таваллуд топган. Кейинчалик АҚШга кўчиб ўтган. "C.S.I.: Место преступления", "Части тела", "Отряд "Антитеррор", "Красавцы" сингари фильмларда суратга тушган.
Актриса Диана Крюгер Германиянинг энг мафтункор аёли сифатида эътироф этилди. Диана немис, француз ва инглиз тилларида бемалол гаплашади. Ўз ролларига ўзи овоз беради. 2004 йилда "Дунёни яхши томонга ўзгартира олган аёллар" мукофоти билан тақдирланган.
Хонанда Бьорк Исландиянинг энг жозибали аёли сифатида эътироф этилган. Мусиқий танқидчилар Бьорк фаолиятини, унинг бетакрор овозини ҳамиша кўкларга кўтариб мақташади. "Замонамизнинг энг муҳим ва узоқни кўра биладиган мусиқачиси" деб ёзишади улар Бьорк ҳақида.
Барбадоснинг энг мафтункор аёли сифатида хонанда Рианна тан олинди. У замонамизнинг энг талаб катта бўлган хонандаларидан бири. Альбомининг 20 миллион нусхада сотилиши бунинг яққол далилидир. Рианна саккиз марта Грэмми, олти марта American Music Awards, ўн саккиз марта Billboard Music Awards мукофоти билан тақдирланган. Хонанда Барбадос маданиятининг расмий фахрий элчиси.
Эстониялик актриса ва сиёсатчи Кармен Касс ҳам энг гўзал аёллар рўйхатидан ўрин олди.
Гарчи Карла Бруни бу рўйхатда Франция гўзали сифатида эътироф этилган бўлса-да, актрисанинг отаси бразилиялик эканлигини айтиб ўтиш лозим. Карла - топ-модель, бастакор, қўшиқчи-шоира ва хонанда, шунингдек, Франция республикасининг собиқ биринчи хоними. Франциянинг 23-президенти Николя Саркозининг учинчи рафиқаси.
Топ-модель, "Яланғоч юрак" фонди асосчиси Наталья Водянова. Умумий қийматда, Водянова бошқарувидаги фонд Россиянинг 68 шаҳрида 100 дан ортиқ болалар майдончасини бунёд қилди. Шу аснода, ақлий қобилияти ривожланишдан тўхтаган болалар учун ҳам ўйин майдончаси қурилган.
Италия ёдга олинганда, энг аввало кўз олдимизда италиялик соҳибжамол - Моника Белуччи намоён бўлади. Ўз она тилиси - итальянчадан ташқари, актриса инглиз ва француз, шунингдек, испан тилларида сўзлаша олади.
Sputnik Узбекистан: http://ru.sputniknews-uz.com/photo/20151222/1386939.html#ixzz3v8nkc3WS
Sputnik Узбекистан: http://ru.sputniknews-uz.com/photo/20151222/1386939.html#ixzz3v8nkc3WS
Украина нашри Юлия Тимошенкони Украинанинг энг гўзал аёли деб топди. Esquire Тимошенкони унинг машҳур соч турмаги учун ёқтиришини таъкидлаб ўтган.
Асли келиб чиқиши Жанубий Африкалик бўлган америкалик модель ва киноактриса Шарлиз Терон кўплаб обрўли мукофотлар билан тақдирланган. У Африкада туғилганлар орасида ижро этган бош рол учун "Оскар" мукофоти билан тақдирланган.
