ТОШКЕНТ, 23 дек — Sputnik. Россиянинг Бош Қорбобоси болалардан ҳар йили 3 миллионга яқин мактуб олади.
“Болалар август ойидан бошлаб менга хат ёзишни бошлайдилар. Бу йилги мактубларда улар кўпроқ тинчлик ва бахт сўрашган. Совға сўраганлар камчиликни ташкил қилади”, — ўртоқлашди Қорбобо чоршанба куни ўтказилган анжуман давомида.
Қорбобонинг сўзларига қараганда, болалар ўз мактубларида кўпинча телефон, планшет ва компьютер сўрашади. "Кулгили мазмундаги хатлар ҳам учраб туради. Мана мисол учун: Қорбобожон, сенинг борлигингга ишонмасам ҳам, лекин менга iPhone 6 совға қилишингни жуда-жуда хоҳлайман", — ўқиб берди сеҳргар.
Қорқиз ҳам ўз номига келган антиқа мактуб ҳақида эслади. Мактуб мазмуни қуйидагича: “Қорқиз, сени барибир топаман! Ялмоғиз”.
