ТОШКЕНТ, 10 дек — Sputnik. Ўзбекистон ўзаро ҳурмат ва бағрикенгликни ривожлантириш ва халқаро муаммоларни сиёсат ёрдамида ҳал қилишни тарафдори. ТИВ ўринбосари Дилёр Ҳакимовнинг сўзларига қараганда, террорчиликка қарши курашни ислом динига қарши зиддиятга айлантирмаслик керак, дейилган ТИВ сайтида.
Ушбу нуқтаи назарни, Ўзбекистон делегацияси раҳбари Белградда бўлиб ўтган ЕХҲТ (ОБСЕ) Ташқи ишлар вазирлар кенгашида маълум қилди. Ҳакимовнинг сўзларига қараганда, дунёда мураккаб геосиёсий вазият юзага келган, радикал террорчи гуруҳлар алоҳида хавф туғдирмоқда, шу жумладан Афғонистон ҳудудидаги жангари гуруҳлар ҳам.
Ўзбекистон сиёсатчиларининг фикрига кўра Афғонистондаги муаммоларнинг ёлғиз ечими – тинч ва сиёсий музокаралар ўтказиш.
“Ҳар қандай кескин қарама-қаршилик ва тўқнашувлар муаммосини, халқаро ҳуқуқ қоидаларига сўзсиз амал қилган ҳолда, тинч сиёсий музокаралар йўли билан ҳал қилиш мумкинлигига Ўзбекистон тўлиқ ишонади”, — деди дипломат.
Маҳаллий ва глобал хавфсизликни ошириш чораси сифатида, Ўзбекистон ўзаро ҳурмат, тоқатлилик ва маданий бағрикенглик мафкурасини тарғиб қилишни таклиф қилмоқда. Ҳакимовнинг сўзларига қараганда, кўп йиллар давомида исломий илимлар маркази бўлган Ўзбекистон, халқлар ва динлар аро мунособатларда бағрикенглик, одамлар орасидаги мунособатларда, миллат ва эътиқодидан қатъий назар, ўзаро ҳурмат ва ҳамжиҳатлилик тарафдори.
“Бизнинг мамлакат, террорчиликка қарши кураш, ислом дунёсига қарши очиқ ёки яширин зиддиятга айланиб кетмаслиги керак. Турли маданиятлар ва динлар орасидаги мунособатларда бағрикенглик ва ўзаро ҳурмат масалалари, ижтимоий мослашув муаммосини ҳал қилиш ЕХҲТ гуманитар ишлар рўйхатидан устувор ўрин эгаллаши керак”, — деди ТИВ вакили.
Ўзбекистон делегацияси раҳбари, шу ўринда региондаги экология муаммоларида ҳам тўхталиб ўтди. Хусусан у, Орол денгизи муаммоси Ўрта Осиё мамлакатларини бирлаштирувчи восита бўлиши кераклигини таъкидлади. Ушбу масалада, Ўзбекистон Амударё ва Сирдарё ирмоқларида йирик тўғон ва ГЭСлар қурилишига қарши чиқмоқда. Чунки ушбу дарё ҳавзаларида миллионлаб одамларнинг ҳаётини таъминловчи воҳалар жойлашган. Ҳакимовнинг сўзларига қараганда, регионда сув ресурсларидан фойдаланиш масалалари, барча мамлакатлар қизиқишини ҳисобга олган ҳолда, халқаро ҳуқуқ нормаларига асосан, ҳал қилиниши керак.
