ТОШКЕНТ, 9 дек — Sputnik. Туркияда даволанаётган ИД (ДАИШ) террорчилар раҳбари Абу Бакр ал-Боғдоди, Ироқ разведкаси таъқибидан қўрқиб Ливиянинг Сирт шаҳрига кўчиб ўтди, РИА Новости, Фарс эрон ахборот агентлиги хабари асосида.
Ахборот агентлиги хабарига кўра Боғдоди бир неча марта Ироқдан Сурияга ва Суриядан Ироққа кўчиб ўтган.
“Барча уни Ироқ ва Суриядан қидираётган бир пайтда, ҳеч ким уни Сиртда кутмайди”, — дейилган хабарда.
Ироқда нотинчлик сақланиб қолмоқда. ДАИШ Сурияда қилган жанглари вақтида энг катта кучга эга бўлган. Унинг жангарилари энг шафқатсиз гуруҳлардан бирига айланган. ИД ҳаракатларидан минглаб тинч аҳоли қурбон бўлди, юз минглаб одам қочқинларга айланди ва яна бир неча минг киши гаровда ушлаб турилибди.
