Россиянинг “МиГ”, “Россия вертолетлари”, “Алмаз-Антей” ва яна йигирмата етакчи корхоналари Dubai Airshow-2015да қатнашмоқда.
БАА ҳукумати, Мудофаа вазирлиги ва Фуқаро авиацияси ташаббуси билан ташкил қилинган Dubai Airshow кўргазмаси 1989 йилдан бошлаб ўтказилмоқда. Унинг мавзуси – қурол яроғ, ҳарбий техника, ҳаво ҳужумига қарши тизимлар, фуқаро авиацияси ва технологиялар. Бу йил ушбу кўргазма 8-12 ноябрда бўлиб ўтди.
Россия экспозицияси ташкилотчиси – Ростех компанияси, унинг бирлашган кўргазмаси майдони 678 квадрат метрни ташкил қилди. Ушбу кўргазмада Россия 1993 йилдан бери қатнашмоқда.
Бу йил Dubai Airshow да дунёнинг 50 мамлакатидан 800та корхона қатнашмоқда. Жумладан БААдан 234 корхона, АҚШдан – 185та, Буюк Британиядан — 67, Франциядан – 55 ва Германиядан 41 корхона.
"Алмаз-Антей" матбуот хизмати хабар беришига қараганда корхона 20га яқин қурол яроғ намуналарини олиб келган. Жумладан “С-400”, “Бук-М2Э”, “Тор” ва янг янги радиолокация тизимлари.
“Россия вертолетлари” холдинги Ка-52 "Аллигатор", Ми-35М, Ми-28НЭ "Тун овчиси" ҳарбий вертолетларини намойиш этди. Улардан ташқари энг янги, енгил кўп мақсадли вертолет Ми-171А2 ва Ка-32А11ВС вертолетининг ўт ўчиришга мослашган моделини намойиш қилди.
