Ўзбекистон транспорт соҳасини ривожлантиришда фаол ўрин эгалламоқда, дея маълум қилди “Халқаро транспорт йўлаклари дирекцияси” АНТ департаменти раҳбари ўринбосари Наталья Задонская Sputnik Ўзбекистон матбуот марказидаги видеокўприк давомида.
“Ўзбекистон халқаро транспорт йўлакларини ривожлантириш лойиҳаларида фаол иштирок этмоқда. Бундай йўналишлардан бири Беларусь, Россия, Қозоғистон, Ўзбекистон, Афғонистон ва Покистон орқали ўтади. Республика унда муҳим роль ўйнамоқда, ҳатто кўп жиҳатдан Россия Федерациясини ушбу йўналишдаги юк ташишларда фаолроқ иштирок этишга ундамоқда”, - дея таъкидлади у.
Унинг сўзларига кўра, Беларусь, Россия, Қозоғистон, Ўзбекистон, Афғонистон ва Покистонни ўз ичига олган йўлак бор, бунда Ўзбекистон жуда муҳим роль ўйнайди ва ҳатто Россия Федерациясини ушбу йўналиш бўйича юк ташишларга қўшилишга ундамоқда.
“Биз меморандум имзолаганмиз ва бу мавзу ҳам жуда фаол ривожланмоқда. Рақамлаштириш ҳақида гапирадиган бўлсак, 2024 йилда Россия билан Ўзбекистон ҳукуматлари ўртасида, Россиянинг ГЛОНАСС глобал навигация тизимининг юқори аниқликдаги сигналига кириш имкониятини Ўзбекистонга бериш тўғрисида келишув имзоланганидан хабарингиз бордир. Менимча, бу ҳам мамлакатларимизнинг ўзаро боғлиқлиги ва шу йўналишда фаол ҳамкорликдан далолатдир”, - деди Задонская.
Видеонинг тўлиғини ушбу ҳавола орқали томоша қилишингиз мумкин.