ТОШКЕНТ, 26 июл — Sputnik. Ўзбекистонлик байдаркачи Арина Танатмишева жаҳон чемпионатида кумуш медалга сазовор бўлди. Бу ҳақда Миллий олимпия қўмитаси матбуот хизмати хабар берди.
Португалиянинг Монтемор-о-Велю шаҳрида байдарка ва каноэда эшкак эшиш бўйича U18 ва U23 ёш тоифасидаги жаҳон чемпионати ўтказилмоқда. Унда қатнашаётган Ўзбекистон терма жамоаси дастлабки медалини қўлга киритди.
U23 ёш тоифасида 1000 метр масофага кечган байдаркачилар баҳсида Арина Танатмишева марра чизиғини иккинчи бўлиб кесиб ўтди ва кумуш медалга сазовор бўлди.
Мусобақа 23-27 июль кунлари ўтказилмоқда.