ТОШКЕНТ, 24 июл – Sputnik. Россия президенти Владимир Путин Ўзбекистон президенти Шавкат Мирзиёевни туғилган куни билан табриклади. Бу ҳақда Кремль сайтида эълон қилинди.
“Ҳурматли Шавкат Миромонович, туғилган кунингиз муносабати билан самимий табрикларимни қабул қилинг. Сиз ҳақли равишда ватандошларингиз орасида ва хорижда юксак обрў-эътиборга эгасиз. Сиз шахсан мамлакатларимиз ўртасидаги ҳар томонлама стратегик шериклик ва иттифоқчилик муносабатларини мустаҳкамлашга катта ҳисса қўшяпсиз. Ва биз, албатта, дўст Россия ва Ўзбекистон халқлари манфаати, минтақавий барқарорлик ва хавфсизликни таъминлаш манфаатлари йўлида икки томонлама ҳамкорликнинг долзарб масалалари бўйича яқиндан ҳамкорлик қилишда давом этамиз”, — дейилади табрик матнида.
Путин Мирзиёев раҳбарлигида Ўзбекистон иқтисодий ва ижтимоий ривожланиш йўлидан ишонч билан бораётганини, минтақавий ва халқаро масалаларда муҳим конструктив роль ўйнаётганини таъкидлади.
“Сизга чин қалбимдан мустаҳкам соғлик, фаровонлик ва давлат фаолиятингизда муваффақиятлар тилайман”, — деган Путин Мирзиёевга.
Ўзбекистон президенти Шавкат Мирзиёев бугун, 24 июль куни, 68 ёшни қаршилади.