ТОШКЕНТ, 24 июл – Sputnik. Кремль Украина билан музокараларнинг учинчи раундидан муваффақият кутмаган эди, деди Россия президенти матбуот котиби Дмитрий Песков.
Кремль вакили Москванинг Истанбулдаги учрашувдаги таклифларини аниқ ва конструктив деб атади. У гуманитар мавзулар тўплами муҳокамасини, шунингдек, Россиянинг онлайн режимда ишлаш учун гуруҳлар яратиш таклифини юқори баҳолади.
Песковнинг қайд этишича, Россия ва Украина ўртасидаги эҳтимолий олий даражадаги учрашув бўйича мулоқот муҳим ишлар якунланганидан кейин бўлиши мумкин.
Москва ва Киев чоршанба куни Истанбулда учинчи учрашувни ўтказди, у бир соатча давом этди. Учрашув якунида Россия делегацияси раиси Владимир Мединский музокараларнинг иккинчи раундидаги барча гуманитар келишувлар бажарилганини айтди.
Томонлар оғир ярадорлар ва беморларнинг тиббий алмашинувини доимий давом эттиришга келишиб олдилар. Россия Украинага Украина Қуролли кучларининг яна 3 минг ҳалок бўлган аскарларининг жасадларини топширишни, шунингдек, ҳар икки томондан 1200 нафардан маҳбусларни алмашишни таклиф қилди.