ТОШКЕНТ, 23 июл – Sputnik. Футбол бўйича Ўзбекистон U23 терма жамоаси Мираброр Усмонов хотирасига бағишланган футбол турнирида Саудия Арабистони жамоаси устидан 3:1 ҳисобида ғалаба қозонди. Бу ҳақда Миллий олимпия қўмитаси матбуот хизмати хабар берди.
Кеча Тошкентда давлат арбоби, Ўзбекистон Миллий Олимпия қўмитаси ва мамлакат футбол федерациясининг собиқ раҳбари, марҳум Мираброр Усмонов хотирасига бағишланган футбол турнири старт олди.
Унда Ўзбекистон, Саудия Арабистони ва Япония U23 жамоалари баҳс олиб боришади.
Дастлабки турда ўзбекистонлик футболчилар Саудия Арабистони жамоаси билан беллашиб, 3:1 ҳисобида ғалаба қозонишди.