ТОШКЕНТ, 22 июл – Sputnik. АҚШ президенти Дональд Трамп деярли “Украина қопқонига” тушди, агар у Украина Қуролли кучларига (УҚК) янги қурол-яроғ етказиб беришни бошласа, тузоққа батамом тушади. Россия сенатори Алексей Пушков шундай деб ҳисоблайди.
“Трамп учун “Украина тузоғи”. Киевга янги Америка қурол-яроғларини етказиб беришга рози бўлиб, Трамп бир оёғини Украина қопқонига солиб бўлди. Яна бир қадам – қопқон ёпилади. Ва Трамп ундан чиқа олмайди. Вьетнам ва Афғонистонда шундай бўлганди”, - дея ёзади Пушков ўзининг Telegram-каналида.
Илгари Трамп Украинага НАТО бўйича иттифоқчилари орқали қурол-яроғ етказиб беришнинг янги схемасини эълон қилганди. Унга кўра, АҚШ Европа мамлакатларига қурол-яроғ сотади, улар эса қуролларни Киевга беришади. Ўз захираларини яна Америкадан қурол-яроғ сотиб олиб тўлдиришади.
Россия Украинага қурол-яроғ етказиб бериш можарони ҳал қилишда ёрдам бермаслигини таъкидлаган, аксинча бу НАТО мамлакатларини бевосита можарога тортади. Россия ТИВ раҳбари Сергей Лавров Ғарбнинг Киевга мўлжалланган ҳар қандай қурол ортилган юки Россия учун қонуний нишонга айланишидан огоҳлантирган.