ТОШКЕНТ, 21 июл – Sputnik. Ўзбекистонда талабаларни ўқишга қабул қилиш “аввал тест, сўнг танлов” тамойилига мувофиқлаштирилади. 19 июль куни президентнинг 114-сон фармони билан айрим ҳужжатларга ўзгартиришлар киритилди.
Унга кўра, олий таълим ташкилотларининг бакалавриат таълим йўналишларига ўқишга қабул қилиш жараёнлари “аввал тест, сўнг танлов” тамойилига мувофиқлаштирилади.
Бундан ташқари, Тошкент шаҳридаги Турин политехника университетида талабаларни Турин политехника университети (Италия) ўқув режа ва дастурлари билан бир қаторда бошқа илғор хорижий олий таълим ташкилотларининг ҳам ўқув режа ва дастурлари асосида ўқитиш тизими жорий қилинади.