ТОШКЕНТ, 18 июл — Sputnik. ЕИ Кенгаши Россияга қарши 18-санкциялар пакетини маъқуллади, деди Иттифоқнинг ташқи ишлар бўйича Олий вакили Кая Каллас.
Янги санкциялар пакети қуйидагиларни ўз ичига олади:
14 нафар жисмоний ва 41 нафар юридик шахсга нисбатан чекловлар;
Россия нефти нархининг юқори чегараси 60 доллардан 47,6 долларга туширилди;
Россия нефтидан ишлаб чиқарилган нефть маҳсулотлари импорти тақиқланади, бундан АҚШ ва яна 4 давлат мустасно;
Чехияга Россия нефтини импорт қилиш рухсатномаси бекор қилинади;
ЕИ Россиянинг бир қатор банклари билан операцияларни тўлиқ тақиқлайди;
ЕИ Россиянинг Тўғридан-тўғри инвестиция фонди билан ҳар қандай операцияларни тақиқлайди;
ЕИ "Шимолий оқим" ва "Шимолий оқим 2" билан операцияларни, жумладан, товарлар ёки хизматларни етказиб беришни тўлиқ тақиқлайди;
Россиянинг битта суюлтирилган газ ишлаб чиқарувчи компанияси санкциялар рўйхатига киритилди;
ЕИ Беларус билан молиявий операцияларни тўлиқ тақиқлади;
Европа Иттифоқининг Россияга қарши санкциялар рўйхатидаги шахсларнинг умумий сони 2,5 мингдан ошди;
Россияга ҳарбий-саноат маҳсулотларини "экспорт қилган" 3та Хитой компаниясига санкциялар кириилтди.
Беларус ҳарбий-саноат комплексига қарашли 8та компанияга нисбатан санкциялар киритилди.
Ғарб санкциялари
Россия Украинани демилитаризация ва денацификация
қилиш бўйича махсус операцияни эълон қилганидан сўнг АҚШ бошчилигидаги Ғарб давлатлари Москвага нисбатан санкциялар босимини кескин кучайтирди. Чеклов чоралар биринчи навбатда банк сектори ва юқори технологияли маҳсулотлар етказиб беришга қаратилган. Кўплаб брендлар Россиядан чиқиб кетишди. Россиянинг хориждаги активлари музлатилди.
Кремль ушбу бу чораларни мисли кўрилмаган иқтисодий уруш деб атади, лекин воқеаларнинг бундай ривожланишига тайёр эканини билдирди.
Россия банки валюта бозорини барқарорлаштирди, дўст бўлмаган мамлакатларга газни рублда сотиш эълон қилинди.