Sputnik Ўзбекистон матбуот марказида Ўзбекистон Қурилиш ва уй-жой коммунал хўжалиги вазирлиги бошқарма бошлиғи ўринбосари Элёр Комилов иштирокида матбуот анжумани бўлиб ўтди.
Анжуманда уй-жой қурилиши соҳасида амалга оширилаётган ишлар, давлат томонидан аҳолини қўллаб-қувватлаш чоралари, шунингдек “Янги Ўзбекистон” массивларида яратилаётган шароитлар ҳақида маълумот берилди.
“Янги Ўзбекистон" массивларида қурилаётган уй-жойларни ичимлик суви, оқова тизими, иссиқлик, табиий газ ва электр энергияси билан таъминлаш ишлари давлат томонидан молиялаштирилмоқда”, — дея таъкидлади Элёр Комилов.
Шунингдек, уй-жой харид қилиш жараёнида эскроу механизмини жорий этишда Россия тажрибаси ўрганилиб, амалиётга татбиқ этилмоқда. Бу орқали харидорлар ҳуқуқлари ҳимоя қилиниши ва қурилиш жараёнининг шаффофлиги таъминланади.
Уй-жой харид қилиш учун давлат субсидияларини олиш имконияти кенгайтирилди. Субсидиялар учун ариза топшириш тартиби, талаблар ва шартлар тўғрисида тушунтиришлар берилди.
Тўлиқ видео: https://vkvideo.ru/video-212092007_456241682