ТОШКЕНТ, 15 июл — Sputnik. Кремлга АҚШ етакчиси Дональд Трампнинг Россияга нисбатан янги баёнотларини таҳлил қилиш учун вақт керак. Бу ҳақда Россия президенти матбуот котиби Дмитрий Песков маълум қилди.
"АҚШ президентининг баёнотлари жуда жиддий, уларда нимадир шахсан президент Путинга қаратилган. Бизга, албатта, Вашингтонда айтилганларни таҳлил қилиш учун вақт керак”, — деди у журналистларга.
Душанба куни АҚШ президенти Дональд Трамп агар 50 кун ичида Россия ва Украина ўртасида ўт очишни тўхтатиш бўйича келишувга эришилмаса, АҚШ Россия нефтини сотиб олувчи мамлакатларга нисбатан Россиядан келадиган товарларга 100 фоизлик бож ва иккиламчи санкциялар жорий қилилишини айтди.
Европа Иттифоқи дипломатияси раҳбари Кая Каллас Европа Иттифоқи давлатлари сешанба куниёқ Россияга қарши янги санкциялар пакетини келишиб олиши мумкинлигини айтди.