ТОШКЕНТ, 10 июл — Sputnik. Москва Кимёвий қуролни тақиқлаш ташкилотига (КҚТТ) Киевнинг кимёвий қурол қўллаганини тасдиқлашда техник ёрдам кўрсатиш учун Россияга экспертлар юборишни сўраб мурожаат қилди. Бу ҳақда Россиянинг ташкилотдаги доимий вакили, Гаагадаги элчи Владимир Тарабрин РИА Новостига маълум қилди.
Гаагада 8-11 июль кунлари Кимёвий қуролни тақиқлаш ташкилоти ижроия кенгашининг 109-сессияси бўлиб ўтмоқда.
"Россия томони нафақат украиналик миллатчилар томонидан заҳарли кимёвий моддалар ва жанговар заҳарловчи моддаларни қўллаш ҳолатларини, балки Украинада уларни оммавий ишлаб чиқаришнинг кенг тарқалган тизими мавжудлигини қайд этишда давом этмоқда”, — деди Владимир Тарабрин.
Шу муносабат билан, ташкилотнинг Технит котибияти экспретларини техник ёрдам кўрсатиш мақсадида Россияга юборишни сурамоқда.
Унинг аниқлик киритишича, Россиянинг Украина қуролли тузилмаларидан озод қилинган ҳудудида заҳарли кимёвий моддалар, жумладан, хлорпикрин билан тўлдирилган қўлбола портловчи қурилмалар тўпламлари аниқлангани сабабли техник ёрдам талаб этилади.
"Бу борада КҚТТтехник котибиятининг холис ва объектив ёндашувига умид қиламиз”, дея қўшимча қилди Тарабрин.