ТОШКЕНТ, 8 июл — Sputnik. Эркин кураш бўйича U15 Ўзбекистон терма жамоаси Осиё чемпионатини кучли учликда якунлади, дея хабар берди Миллий олимпия қўмитаси матбуот хизмати.
Қирғизистонда спорт курашлари бўйича U15 ёш тоифасидаги қитъа биринчилиги якунланди.
Эркин кураш бўйича беллашувларда Ўзбекистон терма жамоаси аъзолари 2 тадан олтин, кумуш ва бронза медалларига эга чиқишди.
Ғолиблар:
Олтин медаль: -38 кг: Асомиддин Бадриддинов, -75 кг: Абдуқодир Сарсенбаев;
Кумуш медаль: -52 кг: Беҳзодбек Иброҳимов, -68 кг: Муҳаммадали Мўйдинов;
Бронза медаль: -48 кг: Ёсинали Сиддиқов, -57 кг: Исмоилжон Назиржонов.
Ушбу натижа билан йигитлар умумжамоа ҳисобида Ҳиндистон ва Япониядан кейин учинчи ўринни эгаллашди. Эртадан ушбу шаҳарда U20 ёш тоифасидаги баҳслар старт олади.