ТОШКЕНТ, 16 июн — Sputnik. Россия президенти Владимир Путин ва Туркия президенти Режеп Таййип Эрдоған телефон орқали мулоқот қилди, дея хабар берди Кремль матбуот хизмати.
Қайд этилишича, улар асосий эътиборни Яқин Шарқдаги кескинлашган вазиятга қаратишган.
Асосий фикрлар:
етакчилар Эрон-Исроил можаросининг давом этаётганидан хавотир билдиришди;
давлат раҳбарлари жанговар ҳаракатларни кечиктирмасдан тўхтатиш ва Эрон ядро дастури билан боғлиқ масалаларни тартибга солиш тарафдори эканликларини қайд этишди;
БМТ Низоми ва халқаро ҳуқуқнинг бошқа меъёрларига зид равишда Исроилнинг Эронга қарши куч ишлатиш ҳаракатини қоралашди;
Туркия Тел-Авивнинг Теҳронга ҳужумларини тўхтатиш бўйича дипломатик ташаббусларга эътибор қаратди;
Эрдоған: Исроилнинг Эронга ҳужумидан кейин бошланган зўравонлик спирали бутун минтақа хавфсизлигига таҳдид солмоқда.
"Иккала томондан ҳам кўплаб қурбонларга олиб келган ва бутун минтақа учун оғир узоқ муддатли оқибатларга олиб келадиган Эрон-Исроил можаросининг давом этаётган кескинлашувидан жиддий хавотир билдирилди”, — дейилади хабарда.
Путин Туркия томонига Россия-Украина тўғридан-тўғри музокараларига кўрсатган ташкилий кўмаги учун миннатдорлик билдирди.
Айтилишича, Москва Киев билан музокараларнинг иккинчи раунди якунлари бўйича келишувларни, жумладан, ҳарбий асирларни алмашиш бўйича келишувларни қатъий бажармоқда.