ТОШКЕНТ, 8 июн — Sputnik. Ўзбекистонда фан учун янги ўсимлик тури “Elymus uzbekistanicus” кашф этилди, дея хабар берди Фанлар академияси матбуот хизмати.
Ўзбекистон, Қирғизистон ва хитойлик ботаник олимлар ҳамкорлигидаги изланишлар натижасида, бошоқдошлар (Poaceae) оиласига мансуб сулибош (Elymus) туркумидан фан учун мутлақо янги бўлган ўсимлик тури кашф этилди.
Ученые из Узбекистана, Кыргызстана и Китая совместно открыли новый вид растений.
© Академия наук Узбекистана
“Мазкур кашфиёт замонавий илм-фан ютуқлари, яъни хлоропласт ва ядровий ДНК кетма-кетлиги таҳлиллари ҳамда анъанавий морфологик тадқиқот методлари асосида амалга оширилди. Elymus туркумининг тавсифи, идентификация калити (дихотомик аниқлагич), юқори сифатли тасвирлари, географик тарқалиши ва экологик хусусиятлари кенг ёритилган ҳолда халқаро илмий ҳамжамият эътиборига тақдим этилди”, — дейилади хабарда.
Айтилишича, янги тур Ўзбекистон шарафига номланган. У нафақат республика флорасига, балки бутун Марказий Осиё ботаника фанига катта ҳисса қўшади.
Ученые из Узбекистана, Кыргызстана и Китая совместно открыли новый вид растений.
© Академия наук Узбекистана
“Бу сўнгги 57 йил ичида Poaceae оиласидан Ўзбекистонда аниқланган илк янги тур бўлиб, юртимиздаги биологик хилма-хилликнинг ҳали тўлиқ ўрганилмаган бойлигини яна бир бор тасдиқлайди”, дея аниқлик киритилган хабарда.