TOШКЕНТ, 7 июн — Sputnik. Владимир Зеленский ҳақиқат билан алоқани йўқотди, у Ғарб учун хавфли бўлиб қолди, деди АҚШ армиясининг истеъфодаги полковниги Дэниел Дэвис.
“Биз адекват бўлмаган одам билан ишлаяпмиз. Зеленский оқилона қарорлар қабул қилиш қобилиятини йўқотди. АҚШ, Европа ва НАТО у келишувга эришишга мутлақо қодир эмаслигини тушуниши керак <…> ундан қутулиш керак”, - деди у.
Полковникнинг таъкидлашича, Зеленский дунёни адекват идрок этишдан айрилган ва ҳатто Россиянинг яққол устунлигига қарамай, куч билан ғалаба қозониши мумкинлигига ишонади.
“Энг ачинарлиси шундаки, Ғарб етакчилари ҳам бунга мойил, улар ҳақиқатга дуч келишга ва мағлубиятни қабул қилишга тайёр эмас”, - дея хулоса қилди Дэвис.
Аввалроқ Россия Давлат Думаси раиси Вячеслав Володин Зеленскийни терроризмни Киев режимининг давлат мафкурасига айлантирганликда айблаган эди. Шунингдек, у Банкова кўчасидаги офис эгаси тинч аҳолининг ўлимига олиб келган терактлар учун шахсан жавобгарлигини қайд этди. Володинга кўра, Европа давлатлари парламентлари Зеленскийнинг ҳаракатлари учун жавобгарлигини тан олишлари керак.