TOШКЕНТ, 6 июн — Sputnik. Бугун Ўзбекистондаги масжидларда Қурбон ҳайити намози ўқилди. Sputnik Ўзбекистон мухбири Паркент туманидаги масжидда намоз ўқилиши тасвирланган суратларни тақдим этди.
Қурбон ҳайити мусулмонларнинг энг улуғ байрамларидан ҳисобланади.
Бу кун тонг саҳардан мусулмонлар Қурбон ҳайити намозини адо этишади. Намоздан сўнг қурбонлик қилинади, байрам дастурхони ёзилади. Қурбон ҳайити кунларида қариндош-уруғларни бориб кўриш, ёру биродарларни зиёрат қилиш, бева-бечоралар ҳолидан хабар олиш каби ишлар ушбу кунда савоби улуғ амаллардан ҳисобланади.