Темур Даватснинг “Аркадия орзулари” номли шахсий кўргазмаси очилади

Темур Даватц — 1968 йилда тошкентлик таниқли графиклар Энгель Исҳоқов ва Лариса Даватц оиласида туғилган. Тошкентдаги П.П. Бенков номидаги Республика рассомчилик билим юртида илк бадиий таҳсилни олган. Кейинчалик Буюк Британияга кўчиб, Лондондаги Қироллик санъат академиясида таҳсилини давом эттирган.

Рассомнинг кўргазмаси юнон мифологиясида фаровонлик ва тинчлик рамзи бўлган Аркадия тимсолига бағишланган. Бу образ Темур асарларида замонавий томошабин хаёлида жонланиб, қадимий рамзлар ва афсоналар билан уйғунлашган.

Бугунги кунда рассомнинг асарлари Буюк Британия қироли Чарлз III, Саудия қироллик оиласига мансуб шаҳзода Файсал ҳамда Баҳрайн қироли Ҳамад ибн Исо Ал Халифа шахсий коллекцияларида сақланмоқда. Шунингдек, унинг ишлари дунё бўйлаб “Four Seasons” меҳмонхоналарида ҳам намойиш этилмоқда.

“Аркадия орзулари” кўргазмаси томошабинларни Темурнинг орзулар оламига етаклаб, уларга гўзаллик ва руҳий уйғунлик туҳфа этади.

1 / 18

Темур Даватц "Оқ шерни излаб". Мато, мойбўёқ 2024 йил.

2 / 18

Кўргазма меҳмонлари.

3 / 18

Темур Даватц "Фаввора афсонаси". Мато, мойбўёқ 2024 йил.

4 / 18

Темур Даватц "Кельт афсонаси". Мато, мойбўёқ 2023 йил.

5 / 18

Темур Даватцнинг “Аркадия орзулари”. шахсий кўргазмаси.

6 / 18

Темур Даватц "Венеция тарихи". Мато, мойбўёқ 2025 йил.

7 / 18

"Қадимги сирлар". Мато, мойбўёқ 2024 йил.

8 / 18

"Византия баҳори". Мато, мойбўёқ 2014 йил.

9 / 18

Темур Даватц ўз фаолияти давомида кўплаб халқаро мукофотларга сазовор бўлган, жумладан, 1994 йилда Қироллик Бадиий академиясининг ёзги кўргазмасида Гиннес мукофоти, 2002 йилда Лондондаги Миллий портрет галереясида Б.П. Портрет мукофоти ва 2021 йилда Норд Арт Гран-приси.

10 / 18

Даватц Лариса Иосифовна (1937, Тяньцзинь ш., ХХР ҳудудида) — график рассом, Ўзбекистонда хизмат кўрсатган санъат арбоби (1987). Москва рассомлик ин-тида таълим олган (1958—64). 1964 й. дан Ўзбекистонда. Даватцнинг маҳорат билан яратган асарлари кўтарилган мавзулар мазмунини аник, очиб бера олиши билан ажралиб туради.

11 / 18

Лариса Даватц "Романтика" варақлари серияси - "Парвоз", 1984 йил.

12 / 18

Лариса Даватц "Романтика" варақлари серияси - "Театр", 1984 йил.

13 / 18

Лариса Даватц Чингиз Айтматовнинг “Оқ кема” асари учун иллюстрация 1983 йил.

14 / 18

Лариса Даватц Чингиз Айтматовнинг “Оқ кема” асари учун иллюстрация 1983 йил.

15 / 18

Рассом ўз асарларида сеҳрли ўрмон манзаралари, юлдузли осмонлар ва афсонавий ҳайвонларни тасвирлаб, томошабинни рамзий саёҳатга чорлайди.

16 / 18

Темур Даватц яратган олам ўзининг жозибаси билан нафақат ҳайратга солади, балки маънавий изланишларга ундайди.

17 / 18

Темур Даватц "Аркадия орзуси". Мато, мойбўёқ 2023 йил.

18 / 18

Ушбу кўргазма 8 июнга қадар давом этади.

Темур Даватцнинг “Аркадия орзулари” номли шахсий кўргазмаси бўлиб ўтмоқда