ТОШКЕНТ, 1 июн — Sputnik. Владимир Путин ва Дональд Трамп учрашувига пухта тайёргарлик кўриш керак, уларнинг даражасида муҳокама қилиниши мумкин бўлган натижалар керак. Бу ҳақда Россия президенти ёрдамчиси Юрий Ушаков маълум қилди.
Россия президенти ёрдамчиси Юрий Ушаков "Москва. Кремль. Путин" кўрсатувида Владимир Путин ва Дональлд Трамп учрашувига тайёргарлик ҳақида гапирди.
Унинг сўзларига кўра, Путин ва Трамп учрашувига пухта тайёргарлик кўриш керак, уларнинг даражасида муҳокама қилиниши мумкин бўлган натижалар керак.
“Саммит 2025 йилда бўлиб ўтиши факт эмас. Учрашув бўйича ҳозирча аниқ келишувлар йўқ”, — деди у.
Унинг қўшимча қилишича, икки етакчининг телефон орқали суҳбатлари фойдали, улар аллақачон маълум натижалар бермоқда.
Россия етакчиси АҚШ президентига 19 май куни "Сириус" таълим маркази ҳудудидаги мусиқа мактаби биносидан қўнғироқ қилган. Шу куни давлат раҳбари амалий ташриф билан Сочида бўлди.
Музокаралар икки соатдан кўпроқ давом этди. Россия етакчисининг суҳбат якунида маълум қилишича, Москва Киев билан ўт очишни тўхтатишни ўз ичига олган меморандум устида ишлашга тайёр. Бу Трамп лавозимга киришганидан бери давлат раҳбарларининг учинчи суҳбати бўлди. Улар биринчи марта 12 февраль куни, иккинчисида эса 18 март куни суҳбатлашган.
Президент матбуот котиби Дмитрий Песковнинг таъкидлашича, Путин ва Трамп учрашуви яхши тайёргарликни талаб қилади, уни ўтказиш муддатини эса етакчиларнинг ўзлари белгилайди.