ТОШКЕНТ, 31 май — Sputnik. Рио-2016 ёзги Олимпия ўйинлари қаҳрамонлари Муроджон Аҳмадалиев ва Бектемир Мелиқўзиев профессионал боксда навбатдаги жангларини ўтказишди. Бу ҳақда Миллий олимпия қўмитаси матбуот хизмати хабар берди.
Аҳмадалиев Мексикада ўтган жангда мезбон Луис Кастильони 8-раундда мағлубиятга учратди. Энди у сентябрь ойида бир нечта йўналишдаги чемпионлик камарлари учун япониялик Наоя Иноуэга қарши жанг олиб боради.
Лас-Вегас (АҚШ)да ташкил этилган оқшомда эса Бектемир Мелиқўзиев мезбон Дарюс Фулгҳемдан 12 раундли жангда устун келди. Ушбу ғалаба билан Бектемир WBA йўналиши бўйича чемпионлик камари учун даъвогарга айланди.