ТОШКЕНТ, 28 май — Sputnik. Россия президенти Владимир Путин бугун Москвада бўлиб ўтаётган Хавфсизлик бўйича олий вакилларнинг 13-халқаро йиғилиши иштирокчиларига мурожаат қилиб, Евроосиёда янги хавфсизлик архитектурасини қуришга чақирди.
Россия давлат раҳбарининг асосий баёнотлари:
Россиянинг ёндашуви қатъий ва ўзгаришсиз: янги хавфсизлик архитектураси — тенг ва бўлинмас бўлиши керак. Яъни барча давлатлар ўз хавфсизлиги кафолатига эга бўлишлари керак, лекин бу бошқа давлатлар хавфсизлиги ва манфаатларига таҳдид солмаслиги керак.
Евроосиё қитъасини тинчлик ва барқарорлик маконига айлантириш керак. Бу ерни барқарор иқтисодий, ижтимоий ва маданий ривожланиш намунасига айлантириш керак.
Бундай универсал хафсизлик асосини яратишда бугунги кунда ўз самарасини намойиш қилган кўп томонлама ҳамкорлик уюшмалардан фойдаланиш мумкин. Масалан, ШҲТ, ЕОИИ, КХШТ, АСЕАН ва бошқалар.
Бугунги учрашувда Глобал Жануб ва Шарқ давлатлари кенг тақдим этилган. Бугун айнан ушбу давлатлар дунёда кўпчилликни ташкил қилмоқда, умумжаҳон ва маҳаллий жараёнларда фаол иштирок этиб, ўз ривожланиш модели асосида суверен тенгҳуқуқлик учун курашмоқда.
Биргаликда, ишлар эканмиз, албатта ижобий тарихий тажриба ва ўтмиш дасрларидан ҳам намуна олишимиз керак.
Бу йил Иккинчи Жаҳон уруши тугаганига 80 йил тўлди. Унинг натижалари халқаро ҳамжамият ривожини мутлақ ўзгартириб юборди. Ёвузлик, нацизм ва милитаризмга қарши курашда инсоният улкан қурбонлар келтирди.
Ҳар бир миллат ўз ривожланиш йўлини танлаш ҳуқуқига эга бўлиш учун урушдан кейинги дунё тартиби шаклланди. Универсал, ва халқаро ҳуқуққа асосланган ташкилот – БМТ яратилди ва бу кўплаб геосиёсиқ қарама-қаршиликларни ҳал қилди. Бугун ушбу ҳақиқатни сақлаб қолиш жуда муҳимдир.