ТОШКЕНТ, 23 май — Sputnik. Россия ҳарбийлари 20-23 май кунлари Украинанинг йирик оммавий ҳаво ҳужумини қайтарди, деб хабар берди Мудофаа вазирлиги.
“Душман 20 май соат 20.00 дан 23 май соат 8.00 гача 1177 та самолёт туридаги учувчисиз аппаратлар ёрдамида оммавий ҳаво ҳужуми уюштирди. Ушбу дронлардан 788 таси махсус ҳарбий операция ҳудудида, қолганлари тинч аҳоли яшайдиган ҳудудларда уриб туширилди", - дейилади баёнотда.
Ҳафта давомида ҳаво ҳужумига қарши мудофаа тизимлари 1548 та самолёт типидаги учувчисиз учиш аппаратларини, шунингдек, 30 та JDAM бошқариладиган ҳаво бомбаларини ва АҚШда ишлаб чиқарилган 12 та HIMARS ракеталарини уриб туширди.
Махсус ҳарбий операция бошланганидан бери Украинанинг жами 662 та самолёти, 283 та вертолёти, 58 984 та учувчисиз аппаратлари, 607 та зенит-ракета тизимлари, 23 487 та танклари ва бошқа зирҳли жанговар машиналари, 1563 MLRS жанговар транспорт воситалари, 25 195 та дала артиллерия ва миномётлари, 35 831 дона махсус ҳарбий техникаси йўқ қилинди.
Охирги кунларда Украина Россия ҳудудига, жумладан, Москвага дронлар ҳужумини кучайтирди. Мудофаа вазирлиги таъкидлаганидек, айнан шу тунда ҳаво ҳужумидан мудофаа воситалари 112 та учувчисиз аппаратларни йўқ қилди.