ТОШКЕНТ, 21 май — Sputnik. Украина билан меморандум устида иш жадал давом этмоқда. Бу ҳақда Россия президенти матбуот котиби Дмитрий Песков маълум қилди, деб ёзмоқда РИА Новости.
"Ҳеч ким жараённи чўзишдан манфаатдор эмас. Ҳамма шиддат билан ишлаяпти. Биз сизларни хабардор қиламиз," — деди Кремль вакили.
Унинг қайд этишича, меморандум бўйича ишларнинг катта қисми дискрет режимда олиб борилади, у оммавий бўлмаслиги керак. Томонлар ўт очишни тўхтатиш шартлари рўйхатини алоҳида тайёрлашади.
Шунингдек, 1000 нафар асирни 1000 нафарга алмаштиришга тайёргарлик ҳам кўрилмоқда.
Кейинги музокаралар қаерда ўтказилиши ҳақида қарор қабул қилинмаган. Москва Ватикандан келишув доирасида ҳамкорлик қилиш бўйича аниқ таклифлар олмади.
Россия можаронинг якунланишига ҳисса қўшмоқчи бўлган барча давлатларнинг саъй-ҳаракатларини олқишлайди, деди Песков.