ТОШКЕНТ, 8 май — Sputnik. Буюк Ғалабанинг 80 йиллиги нишонланаётган кунларда Россия Қуролли Кучлари Олий Бош Қўмондони, президент Владимир Путин томонидан эълон қилинган ўт очишни тўхтатиш режими бошланди. Бу ҳақда президент матбуот котиби Дмитрий Песков журналистларга маълум қилди.
Россия инсонпарварлик нуқтаи назаридан келиб чиқиб, Ғалабанинг 80 йиллиги нишонланадиган кунларда 7-8 май ярим тундан 10-11 майга ўтар кечасигача ўт очишни тўхтатиш режимини эълон қилмоқда, дея маълум қилди Кремль 28 апрель кунги давлат раҳбарининг тегишли қарорига таяниб.
Кремль матбуот котиби Дмитрий Песков журналистларга маълум қилишича, Россия томонидан илгари таклиф қилинган Пасха байрами сулҳининг мақсади, шунингдек, 8-10 май кунлари байрамлар учун сулҳ эълон қилиш бўйича жорий ташаббус Киевнинг Россия ва Украина ўртасида узоқ муддатли барқарор тинчликка эришиш йўлларини излашга тайёрлигини синаб кўришдир.
Айтилишича, агар Киев режимидан ўзаро муносабат бўлмаса ва Россия позициялари ёки объектларига зарба беришга уринишлар давом этса, дарҳол адекват жавоб қайтарилади.